Un Agènda di Konosementu pa e partinan Karibense di Reino Hulandes
Na 2019, Organisashon Hulandes pa Estudio Sientífiko (NWO) a tene un enkuesta ònlain, ku lo a usa komo base pa un Agènda di Konosementu Karibense. Entretantu hopi kos a pasa, prinsipalmente pa motibu di e pandemia di COVID-19 i tur su konsekuenshanan. P’esei nos ta invitabu pa laga nos sa kualke adishon òf kambio, relashoná direktamente òf indirektamente ku COVID-19, via e enkuesta aki. Bo por sugerí tópiko i pregunta nobo i/òf reakshoná riba un resumen breve di e resultadonan anterior, organisá a base di temanan prinsipal.
Den transkurso di 2022, lo elaborá riba e resultadonan di e enkuesta aki, huntu ku e resultadonan di 2019, den forma di un diálogo ku interesado (sientífiko, institushon, pueblo), pa krea un Agènda di Konosementu Karibense. Nos meta ta pa publiká e agènda di konosementu na fin di 2022. Glenn Thodé, miembro di NWO su Komishon di Programa pa Siensia den Karibe, lo guia e proseso aki. Ofisina di NWO lo sostené e proyekto.
Enkuesta
Bo ta un yu di / residente di un di e islanan Aruba, Bonèiru, Kòrsou, Statia, St. Maarten òf Saba, òf bo ta kolaboradó di un organisashon residente na un di e seis islanan Karibense di Reino? Yena e enkuesta aki.
Pakiko e enkuesta akí?
Sientífikonan ta kurioso. Nan gusta resolvé problema. Pa haña sa kua ta e preguntanan mas aktual den Karibe, òf kua problema mester di un solushon mas urgentemente, pa esei nos tin mester di bo yudansa.
Tuma kontakto
Nos ta apresiá bo fitbèk. Si bo tin kualke pregunta òf komentario tokante e enkuesta aki, tuma kontakto ku nos.
Adrès:
NWO
Laan van Nieuw Oost-Indië 300
2593 CE Den Haag
The Netherlands
Yama nos:
+31 (0) 70 349 4472