Sientífikonan ta kurioso. Nan gusta resolvé problema. Pa haña sa kua ta e preguntanan mas aktual den Karibe, òf kua problema mester di un solushon mas urgentemente, pa esei nos tin mester di bo yudansa. Pasobra COVID-19 tin un impakto grandi riba hopi tema, nos ta pidibu pa kompletá e informashon ku nos a kolekshoná anteriormente (na 2019).
Programa sientífiko
For di 2013, Organisashon Hulandes pa Estudio Sientífiko (NWO), bou di enkargo di Ministerio Hulandes di Enseñansa, Kultura i Siensia (OCW), ta ehekutá un programa sientífiko ku ta enfoká spesífikamente riba e seis islanan den region di Karibe den Reino
Rumbo pa un agènda di konosementu pa e islanan Karibense den Reino
Ku un agènda di konosementu nos por denominá e preguntanan sientífiko i sosial mas importante. Pa logra esei, nos ke sa kiko e pueblonan i institutonan di e islanan ke mira siensia kontestá. Asina huntu nos por determiná kiko mester bira e enfoke pa futuro estudio sientífiko. Alabes, e manera di traha aki tambe ta laga e estudionan sientífiko konektá bon ku pregunta i desaroyo aktual den region di Karibe.
Yuda nos pensa
Di salubridat, identidat kultural, desaroyo ekonómiko, te ku kambio di klima i biodiversidat — siensia ta amplio. Ku e enkuesta aki nos ta invitá tur hende na Aruba, Bonèiru, Kòrsou, Statia, St. Maarten i Saba, pa yuda nos pensa pregunta pa e agènda nobo di konosementu.
Plaso di e enkuesta i trayekto kontinuativo
Por yena e enkuesta te ku 15 di yanüari 2022. Ta pone e resultadonan huntu ku e reakshonnan kolekshoná na 2019 i despues lo diskutí esakinan den un diálogo ku siudadano i interesado. Al final, esaki lo resultá den un agènda di konosementu ampliamente sostené pa e parti Karibense di Reino.