Ministerio di OCW a disidí pa prolongá finansiamentu di e programa di investigashon Karibe. Durante di e sinku añanan binidero NWO por ekspandé e Programa Karibe ku dies mion di euro. Promé p’esei NWO ta bai traha un agenda di konosementu.
Na 2013 a lanta e programa ‘Investigashon Karibense: un enfoke multidisiplinario’ (‘Caribisch onderzoek: een multidisciplinaire benadering’) pa fortalesé e investigashon di (i na) e seis islanan den Reino Hulandes. OCW ta mashá satisfecho ku e manera kon NWO a forma e programa di investigashon den Karibe. Investigashon ta di gran balor pa e retonan na e islanan, méskos ku lantamentu di kapasidat i konosementu. Interes di parti di investigadornan i stakeholders pa e programa di investigashon, tabata masha grandi. Pa e motibu ei, OCW a disidí pa kontinuá e programa ku bùdjèt nobo.
Te ku awor denter di e programa a inisá dos asina yamá yamada multidisiplinario. Mayoria proyekto di e promé yamada tabata dirigí riba siensia di mundu i bida. E di dos yamada tabata dirigí mas tantu riba koperashon regional i impakto. Esaki a resultá mas tantu den proyektonan di siensia sosial. Ta premirá ku e kontinuashon di e programa lo ta ampliamente interdisiplinar. Liñanan outónomo den investigashon mester bini huntu ku konekshonnan na rutanan relevante for di e Agenda Nashonal pa Siensia di NWA (Nationale Wetenschapsagenda NWA). E instituto di investigashon na St. Eustatius CNSI, tambe lo forma parti den e programa di investigashon di Karibe.
Agenda di konosementu
Promé ku sigui ehekutá e programa, lo hasi un inventarisashon di e aktividatnan di investigashon na region di Hulanda Karibense. Na e momentu akí tin tiki bista riba kua investigashon ta tumando lugá for di e diferente inisiativanan. E imahen ta fragmentá.
Tambe a base di e inventarisashon despues lo sigui, en koperashon ku e stakeholdernan relevante, trahamentu di e agenda di konosementu. Esaki tambe mester tin e prioridatnan di e islanan mes, huntu ku e prioridatnan di Unesco su Small Island Development States (SIDS) i e asina yamá Sustainable Development Goals (SDG’s). E agenda di konosementu lo kubri investigashon fundamental te práktiko. Ta a base di e agenda di konosementu, NWO lo elaborá e siguiente ruedanan di supsidio.
Fuente: NWO