Sientífikonan ta pidi siudadanonan i organisashonnan di Karibe nan opinion
E organisashon hulandes pa inventigashon sientífiko NWO (Nederlandse Organisatie voor Wetenschappelijk Onderzoek), kordialmente ta invitá siudadanonan i organisashonnan di e islanan Karibense, pa manda e preguntanan ku nan tin pa nan sientífikonan. Ku esakinan NWO ke traha un agenda ku e preguntanan di konosementu di mas importante pa siensia i komunidat. Ademas esakinan lo duna direkshon na investigashonnan sientífiko den añanan binidero.
Tin mester di por ehèmpel, mas investigashon pa loke ta trata koral òf kambio klimatológiko? Mester bini mas konosementu enkuanto desaroyo ekonómiko riba e islanan? Kua pregunta tin den mundu di enseñansa? Kua ta e preguntanan di mas preokupante riba tereno di alimentashon i salú?
Ku e inisiativa akí, NWO ke pa investigashonnan den futuro por konektá bon ku preguntanan aktual i desaroyonan den region di Karibe. “Konsientemente nos ta skohe pa presentá siudadanonan i organisashonnan e preguntanan akí, ya komo ku esaki ta duna un bista variá.” Señor Josef Stuefer, mènedjer di e programa di Karibe di NWO ta bisa.
Siudadanonan i trahadónan di organisashonnan na Aruba, Bonèiru, Kòrsou, St. Eustatius, St. Maarten i Saba por manda nan preguntanan te ku 15 di sèptèmber 2019, via e website CaribbeanResearch.nl. E enkuesta ta na tres idioma esta; hulandes, ingles i papiamentu. Esaki banda di ekperiensianan di e programa di investigashon di NWO pa Karibe, anto inventarisashon di proyektonan di konosementu ku ta kanando, fin di aña 2019 lo resultá den un Agenda di Konosementu pa region di Karibe.